O'zbekiston Respublikasi Turizm qo'mitasi o'z faoliyatini O'zbekiston Respublikasi Vazirlar Mahkamasining 2026-yil 16-martdagi "O'zbekiston Respublikasi Turizm qo'mitasi faoliyatini tashkil etish chora-tadbirlari to'g'risida"gi 105-sonli qarori hamda O'zbekiston Respublikasi Prezidentining 2025-yil 19-noyabrdagi "O'zbekiston Respublikasi Turizm qo'mitasi faoliyatini tashkil etish va turizm sohasini jadal rivojlantirish chora-tadbirlari to'g'risida"gi 348-sonli qarori asosida amalga oshiradi.

O'zbekiston Respublikasi Turizm va madaniy meros vazirligi turizm sohasida yagona davlat siyosatini amalga oshirishni ta'minlaydigan davlat organi bo'lib, o'z faoliyatida O'zbekiston Respublikasi Vazirlar Mahkamasi oldida hisobot beradi.

Vazirlik o'z faoliyatida O'zbekiston Respublikasi Konstitutsiyasi va qonunlariga, O'zbekiston Respublikasi Oliy Majlisi palatalari qarorlariga, O'zbekiston Respublikasi Prezidentining farmonlari, qarorlari va farmoyishlariga amal qiladi.

Vazirlik o'z vazifalari va funktsiyalarini bajarishda davlat va xo'jalik boshqaruvi organlari, mahalliy davlat hokimiyati organlari va boshqa tashkilotlar bilan o'zaro aloqada bo'ladi. Vazirlik vakolatlari doirasida qabul qilingan qarorlar davlat va xo'jalik boshqaruvi organlari, davlat hokimiyati va mahalliy davlat hokimiyati organlari, mulkchilik shakli va idoraviy bo'ysunishidan qat'i nazar, xo'jalik yurituvchi subyektlar uchun majburiydir.